Монгол Улсын гамшгаас хамгаалах тухай хууль 2017оны 2 дугаар сард шинэлэгдэн батлагдсанаар гамшгаас хамгаалах үйл ажиллагааны хүрээ өргөжиж, гамшгаас урьдчилан сэргийлэх тогтолцоог хөгжүүлэх, санхүүгийн эх үүсвэрийг бүрдүүлэх эрх зүйн үндэслэл бүрдсэн нөгөө талаас аюулт үзэгдэл, ослын давтамж болон хор хохирол нэмэгдэж байгаатай холбогдуулан байгууллагын гамшгийн эрсдэлийн менежментийг үнэлэх шаалшгүй хэрэгцээ гарсан. Байгууллагын түвшинд энэхүү үнэлгээг хийснээр байгууллагын өнөөгийн нөхцөл буюу эрсдэлийн менежмент, гамшгийн эрсдэл, гамшгийн эрсдлийг бууруулах санхүүжилт,сэргээн босголтын нөөц, дэд бүтэц, технологи тодорхой үнэлэгдэж, байгууллагад учирч болох аливаа аюул, ослын улмаас ажилтны эрүүл мэнд, амь нас, эд хөрөнгө, бусад үнэт зүйлсэд хохирол учрахаас урьдчилан сэргийлэх зорилгоор гамшгийн эрсдэлийг бууруулах талаар цаашид ямар үйл ажиллагааг авч хэрэгжүүлэх шаардлагатай байгаа нь тодорхойлогдоно.