Налайх дүүргийн Худалдан авах ажиллагааны алба 2017 оны 05 дугаар сарын 08-ны даваа гаригт дүүргийн Соёл урлагийн ордны өмнөх талбайд нээлттэй өдөрлөг зохион байгууллаа. Нээлттэй өдөрлөгийн үеэр иргэдэд 2017 онд Орон нутгийн хөгжлийн сангийн хөрөнгөөр хэрэгжих хөрөнгө оруулалтын ажлуудын гүйцэтгэл, явцын талаарх танилцуулга, Орон нутгийн хөгжлийн санд иргэдийн оролцоог нэмэгдүүлэх чиглэлээр мэдээлэл өгч, хууль тогтоомжийг сурталчлан таниулж, иргэдийн санал зөвлөмжийг авч ажиллаа. Иргэдээс ирсэн санал зөвлөмжийг цаашид үйл ажиллагаандаа тусган ажиллахаар боллоо.
